屋上有乌。
俚弗肯允个头亲事，一定令郞有介点弗楷当了。
子须敎训，玉须琢磨。
叫令郞溜势读起书来，登子科甲，自有贵戚相扳，那时不求而自至。
却不道书中有女还无数。
南无阿弥陀佛。南无阿弥陀佛。（净）学生没气质夯夯介，走得来指望兄商量行事，那说老生倒是介氷生冷介两句说话？故我来也纔是多余个哉。（付）阿呀，学生劝公家息讼，也是美事；况且学生向来修行念佛，久不搭人干个件事务个哉。南无阿弥陀佛。南无阿弥陀佛。（净）故也只怕难道吓。（付作手势望上介）阿呀，弟子再不敢私心妄想，伏乞慈悲为念。（净）喂！你拉厾虚空对罗个说话介？（付）吓！你弗看见了观世音立拉厾云端里听我里说话？恐怕我又要动欲心了，说：『老道，你证果已成，七七八八，上天已快了，不可再坏了心田吓。』（净）贼更了拉厾罗哩个答介？（付）哪，哪，哪，贼贵搭荡立厾个就是哉。（净）突下来没那？（付）弗突下来个，有介个钩子贼介摘住拉厾个。阿弥陀佛。个个我再弗坏心田没是哉。（净）好劳鬼话！（亦做手势介）阿呀，弗关我事?。噢，是哉。（付）为??？（净）吓！王灵官老爷拿子一根鞭立拉厾半空中，说：『刘君玉，你走开点。我要打杀个说谎话个人！』（付）若有一字虚言，折尽平生之福！（净）吓！老生眞个弗干个出事务个哉？（付）若再干个样事务勾，弗是人养个哉。（净）咳！你弗干没也罢吓，只可惜我一片好念头！我说贾老生是比众不仝个，不要轻了他。（拿出银介）哪，先送介廿两白物拉里。（拿上拿下介）（付看上，看下介）（净）旣是老先生修行念佛，不干个个此道个哉没，我那好罪罪过过个曲求俚坏个个天性介？只好再去寻人罢。吿别哉。（付）且慢。（净）阿呀，老先生，你弗干个出事务个哉没，等我再去寻人罢。（付）弗要性急，等我思量思量看。（净）罢哉，是你七七八八要上天个哉。（付）天是要上个，没得个样长梯子。（净）观音菩萨拉厾云端里叫?。（付）等俚是叫，我卽是弗听得。（净）阿是，我说?是假个？（付）官府利害了。（净）个倒是实话。（付）等我闩上子个门到书房里去坐。几里来，请进去。（净）好得势，幽雅得极。（付）请坐。（净）有坐。（付）男儿厾，若有人来寻我，竟回头俚弗拉屋里。拿个梅水得来泡茶，前日瑶峯和尙送个两瓶茶叶厾，开一瓶得来泡两碗出来。（内应介）（付）请坐，拿个始末根由得来说拉学生听介听，好画策下文声那亨个道理。（净）当年吓，有个魏从道，襄阳人氏，曾在临安做过太守。（付）住子，等我思量思量看，甲戌，乙亥，丙子，吓！丁未年有个魏从道拉里做歇太守个？（净）正是。（付）凶个?，学生吃子俚两弹，几乎了弗得！那亨呢？（净）我几里有个沈必贵是他的同年，他有一女许配魏从道之子魏必简，学生也弗晓得。（付）介没老先生罗哩晓得个？（净）因为小儿未有亲事，为此央媒去说合，俚弗许我，那好怪俚？独恨俚弗该应把我父子百般辱骂，万种低微，又把媒婆痛打出门。（付）老生，你阿晓得俚个意思个？个弗是打媒婆，直脚打子老生哉。（净）盖列弗是??，学生拉临安城里颇颇有些体面，不拉俚如此辱骂，叫学生那亨做人？为此特来求老先生发纵，与学生出口气。（付）吓！晓得哉。个个尊惠没学生先领子介。（净）且慢见子主语头就奉。（付）吓！老生要那亨介个主意？（净）学生要吿俚图赖婚姻事。（付）老生要吿俚图赖婚姻事？（净）正是。（付）阿呀老生个个主见只怕无用个?。（净）那说无用个？（付）哪，那沈公是缙绅门第，官官相护，未必就嬴；纵使全胜，不过断还财礼，人还抱弗稳来，岂非无用之极？（净）吓！依老生没，那介个意思没好呢？（付）依我个愚见没，必须要别弄介一个枝叶没好。老生贼个个沈先生个令爱阿要个哉呢？（净）就是活观音出世摆拉厾，我也弗要个哉。（付）介没，老生，你旣弗要俚个令爱哉没，何消得必竟要说到亲事上去？（净）那亨呢？（付）学生到有介个主意拉里。（净）??主意？（付）现今秦桧弄权，只消写一纸首状与他，管敎沈魏两家有丧身亡家之祸。（净）好吓，老先生，你若有个样本事摆布得俚厾两家，就再送十两白物，廿担冬米拉?，如何？（付）学生手段是有个，只是一生怕领个样虚惠个。（净）学生许出子没，决不食言，再弗骗个老先生个。（付）学生没，是介说吓，谅老生呢决弗是个样人，竟就打算没是哉。单是阿曾带纸头来呢？（净）个倒弗曾带得，老生若有没，借一张来用子，到明朝买来送还罢。（付）学生久弗干个出事务个哉，落里来个纸头介？（净）吓！介没那？喂，个张??纸头了？就拿俚写子罢。（付）阿唷，怕人施施，罪罪过过个，是要画观音菩萨个，??个就拿俚得来写状子介？（净）介没吿别哉。（付）落里去？（净）去买纸头。（付）去子阿来哉？（净）拉个搭一兜，拉个首一转，远哉列，只怕弗来哉。（付）罢哉，就拿俚得来写子罢，省得开门打户。（净）阿唷，怕人施施，罪罪过过个，是要画观音菩萨个，??个就拿俚得来写子罢介？（付）由俚歇，观音菩萨是画也