br>有数说个：『若要人不知，除非己莫为。』学生区区小子，自家非别，癞头鼋便是。间向无人拉里，拿我个心事来说说介。我里姑娘搭个柳秀才做个节事务，做呢做得隐秀，走呢走得干净。啰里说起！乞个陈秀才个老入娘贼，上起小姐个坟来，晓得子，竟出首南安府，要捉我里个姑娘搭子柳相公。出子差人来捉，道是弗见子了。说道：『闻得有个癞头鼋是石道姑的侄儿，住在小西门，我里去捉俚来见官就有着落哉。』我正拉厾出恭，卽见两个差人说：『个个鬣疬头男儿就是俚，我里动手捉吓。』我一听听见子，乞我奔吓；个两个毴养个说：『捉！捉！捉！』吓！拿我一把捉住子，说：『啲！你可是癞头鼋？』我说：『正是。那了？』不俚拿个索子拉我头颈里一套，一个推子我个背，说道：『走！走！走！』一走走到府前，官府正坐堂厾。只听见个毴养个说道：『差人吿进。』里向说：『进来。』『启爷：石道姑，柳秀才逃走了，拿得石道姑的侄儿，叫做癞头鼋在此。』官府说：『与我带进来。』『吓。癞头鼋带进来。』拿我得来一厾厾拉丹墀底下哉。个个官府看见子我，问道：『你姑娘同柳秀才那里去了？』乞我只是弗答应，个个忒头判就狗头狗得起来哉，说：『马不吊不肥，人不打不招；把这厮上起脑篐来！』?道个个脑篐是那亨个？是介一个大圈，圈上胡桃大介两个结，一戴戴拉我头浪子；两个皂隶两边立子，说道：『招上来！』我只是弗开口。官府说：『收！』只听见甲拉一收，阿呀，苦恼吓！竟死子去哉！那皂隶先得子我身边金钟玉磬；?道个个金钟玉磬啰里来个？也是圹中之物。俚厾得子我物事，就替我帮衬哉说：『启爷，那小厮篐出脑子来了。』那忒头判道：『不信有这等事！带上来看！』看见子我个鬣疬头浪是介烂腌狠臭，是介『呀呸，呀呸！带下去！』叫左右与我召保，赶出去。乞我奔吓一奔，奔到无人场化，我说，弗要眞正篐子脑子出来，拿个手拉头浪去一摸，看看原来是鬣疬头浪个脓血。个样场哈，亦亏子疬鬣头救子我个性命厾。我为子俚厾列吃介一场苦，只落得身上个件衣裳，柳秀才不拉我个。今日我就着子，也让我快活，快活。再踱介踱。咦！眞正配身！等我唱介只山歌作乐作乐介。（山歌）摇摆摇摆摆子摇，无人所在了吓，摆过子个条桥。（净上）喂，小官人唱喏。（丑白）咳，有窍。（唱）我小官人乞个腰痛了，唱弗得个喏吓。?个样驼子，唱喏只当伸直子个腰。（推净跌介）（净白）阿呀！介个贼种！我大老娘家好意来唱?个喏，倒是??驼子吓直子！介个小贼种！（丑）夹嘴介一记嘿好！?看见我偷子??个家人物事？骂我贼种！（净）吓！个件衣裳是我俚相公个哟。（丑）?厾相公姓??？啰里人？（净）我里相公姓柳，岭南人。（丑）吓！难道?厾岭南人着衣裳，我里间向是出毛个？（净）弗要拉厾嘴强，有赃证拉厾，我里相公个衣裳衣带头浪有花字个。等我看。（丑）住厾。若是有花字呢，?拿子去；若无得，?个老毴养个，驼子要打直厾?！（净）哪！岭南柳氏。个弗是花字勒??？地方吓地方！（丑）阿呀呀！（作唇衣带头介）（净）?啰里唇得落个了？地方捉贼！（丑）老伯伯弗要喊，脱还子?嘿是哉。（净）起来。小官人，我是取笑，弗要?个。（丑）阿眞个介？（净）眞个，弗要?个。（丑）介嘿多谢。（净）我只要问?一个人。（丑）卽拣我认得个说来。（净）就是方纔说个柳相公啰里去哉？（丑）介嘿我弗得知。（净）?眞个弗得知？（丑）直头法搭知。（净）认眞弗晓得？地方捉贼！（丑）阿呀！老伯伯，弗要嚷，等我对?说。大街浪人多，弗好说，我搭?到无人场哈去说。（净）是个样官官，最欢喜无人场哈个哉。（丑）啐！老毴养个，我搭?到敎场里官厅浪去说！（净）有理；就走。（丑）跟我得来。（净）喂！慢慢里走。（丑）几里来。（净）拉啰里？（丑）拉里几里貌。（净）小贼种！弗要奔，奔杀子我老娘家哟。（丑）也弗关我事。（净）几里无人哉，?说。（丑）老老，坐子说。（净）坐子说。（丑）弗好，立子说。（净）吓，立子说。（丑）弗好，原是坐子说。（净）小贼种！倒要我老娘家爬上爬下！（丑）老老，我间向柳秀才是有一个，弗知阿是。?先说得来，若说得弗差，我便对?说；若说得弗对板，弗要说叫地方，就到当官去▲弗说个。（净）有数说个：『天上鹞鹰乖，地下鬣疬乖；』个个男儿乖厾。（丑）也差弗多。（净）?听我说。
【尾犯序】提起柳家郞。
（丑）面孔长个短个？（净）
他俊白庞儿，典雅行装。
（丑）有几哈年纪哉？（净）
论仪表，三十不上。
（丑）?是俚个??人了，来寻俚？（净）
是他祖上传留下，栽花种粮。
（丑）?个老老会种花树个，倒是个趣徒。（净）
自小儿看承他快长。
（丑）?几时别俚个？一向阿有信？（净）
自春头别，跟寻到此间，说不端详。
（丑）弗差，去罢。（净）?说阿弗曾说，就叫我去罢。（丑）?说来搭我一样个哉，我再说俚做??？（净）我是说屋里向个多哈事务；那间?替我说，间向个星说话。几时别