照帐检点，除现在要用各物外，尽堆在客房之中。好得客房甚大，即命娘姨、相帮睡在里面，以便看守。阿珠陪伴宝玉在官房中住宿。当日部署一切，时已傍晚，不及出外游玩。到了明天，即叫了一辆轿式橡皮四轮车，带着阿珠，同坐到四马路一带探望同行中姊妹，聊叙阔别之情。有的留他吃点心，有的留他用午膳，盘桓至两三点钟，又往味莼园、愚园吃了一回茶，觉得心中畅快异常。游览到夕阳西下，皓月东升，方才尽兴归栈。当夜吩咐阿珠：明日早晨取自己的名片，向旧日一班熟客家里去知照一声：顺便找寻房屋，以便早日租定，可以择吉开张。但须在三马路中，离原处相近为妙。
阿珠噢噢答应。一到来朝，不待宝玉起身，要紧出外办事。拿着名片，一家一家去知照又算是拜望的，忙得饭都没有吃。再在三马路兜了一个圈子，看看原处有人住着，余外亦无上好房屋，只得归栈回覆。走到四马路，腹中甚是饥饿，就在四时春吃些点心，方始雇车回去，已是三下多钟了。
宝玉正在那里盼望，寂寞无聊，一见阿珠回来，即便问道：“三马路浪房子阿有介？ 啥弄到故歇辰光转呢？奴本想要出去白相哉，又恐怕前脚后脚，格落痴格实梗等 呀。” 阿珠道：“ 格搭场化，空关格房子实头少。就算有一两注，才是希小格，加二旧勒龌龊， 说 勿中意，我亦看勿上眼。只得等到开春，各家调头格辰光，难末好想法得来。勿然，一时头浪， 点戏要三马路格搭，落里有实梗凑巧介？” 宝玉道：“ 差是勿差，奴挂牌勿挂牌，倒还勿要紧，不过等到开年，约摸有两三个月，一径住勒栈房里，究竟有几化勿便笃，格末那处嗄？” 阿珠道：“ 要末到别场化去看看，眼下且得将就将就，等到开年再搬罢。 想阿好呢勿好？” 宝玉踌躇了半晌，没有法子可想，只得点了一点头。
两人正当商议之际，忽闻茶房在门外唤道：“ 珠姐，楼下有一个娘姨，说要见这里奶奶，可要引他上来吗？” 阿珠道：“ 让我走下去看看，勿知落里搭格娘姨 。”说着，即跟了茶房下楼。见来的那个娘姨不是别人，就是从前在宝玉身边最得宠、最知心的大姐阿金。阿珠连忙叫应道：“我道是啥人，原来是阿金姐。 一向好格？倪先生一径勒浪牵记 呀！”阿金答道：“珠姐，我前头转去，是也叫呒说法呀。格落登勒乡下勉强住仔五个月，要紧煞上来格或。今朝先生阿曾出去格来介？” 阿珠道：“出动，勒浪楼浪，请 也去坐罢。” 于是阿珠在前引领，阿金在后跟随，一同上了楼梯。将近房门跟首，阿珠便高声喊道：“大先生， 时常牵记格阿金姐来哉呀！”宝玉正为租房一事坐在那里呆想，听得阿珠叫唤，说是旧日的阿金来了，心中甚喜，为因阿金比阿珠更加能干，可以与他商议此事，即便唤道：“阿金， 里向来坐 。！”
阿金答应，同阿珠跨进房门，却不叫“ 先生”，叫了一声“ 奶奶”。因宝玉嫁杨四时，他是赠嫁，所以叫声奶奶。宝玉命他坐下，先问道：“阿金， 转仔乡下，几时（读是）嫁格？嫁得阿称心介？” 阿金皱皱眉，摇摇头，答道：“ 去说俚！我自从十二三岁到仔上海，就吃仔格碗堂子饭。身浪着得好，嘴里吃得好。眼睛里看见格，才是格班大人、老爷、少爷笃。标致格、难看格，勿知几化，由得我拣。故歇回到乡下，勿由自家做主，嫁拨勒一个极粗蠢仔种田汉。格格难看末，十八个画师也画勿出，说出来才肉麻格。而且穷得呒淘成， 说荤腥呒不吃，连搭日日吃青菜、豆腐，油水才勿有一点点格，熬得我嘴里清水出格哉。我也勿怨别人，怨来怨去，怨倪爷娘勿好。从小末攀啥格亲？现在害得我真真苦 ！” 讲到这里，止不住腮边落泪，把绢帕揩了一揩，又说道：“格落我登勒男家住仔五个月，就想仔一个主意，说仔几句鬼话，难末脱身到上海来格呀。”宝玉道：“实梗说起来， 到仔上海已经两个月外头哉。 故歇登勒啥人家介？哪哼晓得奴勒里间搭格呢？” 阿金道：“ 我告诉，我八月里一到上海，马上就到三马路寻 ，勿壳张扑仔一个空。我细细教一打听，晓得 到仔广东哉。难末我呒哪哼，只好耽搁勒亲眷格搭，也是开堂子格。我就登勒浪帮忙。直到昨日，听见有人讲起，说 转格哉，暂住勒里间搭，格落我寻得来格呀。”
宝玉道：“ 亲眷格搭阿有几个小姐？住勒啥场化？房子阿大格介？”阿金道：“俚笃住格场化就是 原底子隔壁呀，倒有六楼六底房子笃。七月里搬进去格，原本是两家合租，故歇一家为仔生意勿好，出码头到杭州去哉，单剩倪亲眷住勒海。只有一个小姐，名字叫胡秀林，生意虽则呒啥，究竟房子嫌大，开销也嫌大，格落等到下节，就要调头搬出去格。格注房子如果 奶奶住，倒真真出色呀。” 宝玉道：“ 好是最好也呒不，可惜要等两个月，奴哪哼等得及嗄？” 阿金道：“ 只要奶奶勿嫌合住，让我搭俚去说，包 月里就搬进去阿好？” 宝玉道：“ 能够实梗也呒啥。两家轧得和格，就一淘住下去。如果开年调头，俚笃要搬格，奴就一干子租仔。 搭俚说说明白，奴打算过一礼拜要进屋格。 办舒齐仔，奴总重重能格谢 末哉。”阿金道：